Bashkia e Shkodrës është një organ vendor i cili është krijuar dhe funksionon mbi bazën e parimit të autonomisë vendore. Me miratimin e ligjit nr. 115/2014 “Për ndarjen Administrativo-Territoriale të Njësive të Qeverisjes Vendore në Republikën e Shqipërisë”, Bashkia Shkodër është pjesë e Qarkut Shkodër dhe përbëhet nga 11 njësi administrative vendore.
Qyteti është një qendër politike dhe administrative, si dhe një qendër ekonomike dhe kulturore e Shqipërisë së Veriut. Një nga objektivat kryesore të Bashkisë është mbështetja dhe forcimi i familjes si qeliza bazë e shoqërisë.
Bashkia e Shkodrës ka ngritur për herë të parë 12 qendra komunitare “Për familjen” të shtrira në 5 rrethe të qytetit, në disa njësi administrative, si dhe shërbimin celular në njësi të tjera administrative.
Këto qendra ofrojnë shërbime parasociale si informacion, orientim, këshillim, shërbim familjar, mbështetje psikosociale etj., ofrojnë shërbime komunitare si mbrojtja e fëmijëve, fuqizimi ekonomik për familjen, programe prindërimi pozitiv, klasa pas shkollës, shërbime të kujdesit shëndetësor etj.
Bashkia funksionon edhe Qendrën Rinore Publike “Atelie”, e cila fillimisht u krijua në kuadër të projektit YES Future, financuar nga programi IADSA.